mercoledì 3 gennaio 2007

Shqiptarët të vendosur drejt BE-së

Marre nga siti Albusa.com
Nuk ka kaluar shumë kohë, kur kreu i BE-së z.Hose Manuel Barroso, deklaroi nga Brukseli se, pas pranimit zyrtar të dy vendeve ballkanike respektivisht, Rumanisë dhe Bullgarisë, në fillimet e 2007-ës, procesi i pranimit me anëtarë të rinj në Bashkimin Europian do të pezullohet deri në një afat të pacaktuar.
Si për të shpjeguar arsyen e kësaj deklarate të papritur, por edhe për të qartësuar publikisht të interesuarit, ai u shpreh se, tani për tani, Bashkimit Europian i duhet të zgjidhë më parë problemet e veta. Sipas tij, zgjidhja e tyre është tepër imediate, mbasi ato përcaktojnë të ardhmen progresive të BE-së. Reagimi politik ndaj kësaj deklarate, ende vazhdon të komentohet dhe sot në median shqiptare në mënyra të ndryshme.
Askush nuk mund të mohojë faktin se, ky deklarim për momentin, injektoi një farë hutimi të bezdizsshëm tek të pranishmit. Kjo nuk u mirëprit as nga njerëzit e thjeshtë që e ndjekin së largu politikën ndërkombëtare, por më tepër, në rangjet e larta të strukturave shtetërore të vendeve ballkanike, veçanërisht në shtete si Kroacia, Maqedonia dhe Shqipëria, të cilat pasi kanë nënshkruar MSA-në, shpresojnë të antarësohen sa më shpejt në BE.

Shprehja e z. Barroso se “do të ketë pezullim me afat të pacaktuar të pranimeve të reja në BE”, i nxiti në vazhdimësi gazetarët të marrin opinionin e politikanëve shqiptarë, lidhur me këtë deklarim, të cilët me zhdërvjelltësi i’u shmangën komenteve direkte.

Nga ana e saj, infosfera shqiptare, në ekranet televizive dhe faqet e gazetave, sipas shkallës së profesionalizmit dhe pavarësisë që ajo mbart, (përgjithësisht kjo e ndarë si me thikë, e djathtë dhe e majtë) u mundua të trajtonte ndikimin e deklaratës nëpërmjet komenteve konjukturiale e pragmatiste. Madje, në ndonjë ekran televiziv u debatua, më fortë se sa duhet, ndaj efektit negativ të saj, pa paraqitur argumenta bindëse.

Ndërsa komentatorët e tjerë, me përvojë (ndonëse prej tyre ka ende të paçliruar plotësisht nga ndikimet), u shfaqën me të ekuilibruar në dhënien e opinionit, në përdorimin e fakteve dhe argumenteve, duke u përpjekur t’i bëjnë një ekspertizë sa më profesionale, deklarimit të zotit Barroso. Prej tyre, kjo deklaratë u cilësua si trysni e fenomenit të “ euroskepticizmit”, i cili shfaqet sa herë që BE-ja kalon situata të ndërlikuara.

Sipas tyre, ky fenomen asnjëherë nuk është sfumuar në historinë e Europës, përkundrazi ai shfaqet periodikisht, çdo 2-3 dekada, në varësi të zhvillimeve politike dhe ekonomike, brenda strukturave të BE-se dhe jashtë saj, në vendet anëtare (këtu duhet të nënkuptojmë shtetet e Europës perëndimore themeluese të BE-së).

Shfaqja e këtij fenomeni është rrjedhojë e zhvillimit të proceseve të ndryshme politike në vendet europiane. Për të fituar kapital, partitë politike me ndikim në opinionin e tyre të brendshëm, hedhin në lojë kartën e bllokimit të nismave nga më të rëndësishmet që ndërmerr Bashkimi Europian, siç janë ato për ristrukturimin e organizmave, në vendimarrjet për çështje të politikës së jashtme me vendet që janë jashtë BE-së apo për miratimin e Kushtetutës së Re Europiane. Në rastin konkret, shembull i qartë janë referendumet e dështuara për miratimin e Kushtetutës së Re Europiane në Francë, Hollandë.

Qëndrime të tilla, në disa vende evropiane-perëndimore, ndodhin periodikisht gjatë përpjekjeve për të siguruar mbështetje politike dhe vota në çdo edicion elektoral të rradhës, për të fituar rotacionin e qeverisjes në këto vende, duke u mbështetur në premtime të ndryshme me tendenca në disa raste nacionalistë e diskriminuese (veçanërisht kur bëhet fjalë për emigracionin).

Nga ana tjetër, rënien e nivelit të jetesës dhe rritjen galopante të papunësisë, ato tentojnë t’ia faturojnë politikave ekonomike defiçitare të BE-së, në aplikimet e nxituara për zgjerimin e saj me vendet e Europës lindore, në menaxhimin joefikas të fondeve financiare, për projekte të ndryshme, në diskordancat e vendimmarrjeve të organizmave e strukturave përbërëse, etj. Por, kjo nuk do të thotë se këto zhvillime përcaktojnë qëndrime politike afatgjata, që gjenerojnë kriza gjithëuropiane dhe mbjellin farën e fenomenit të emërtuar ‘’euroskepticizëm’’.
Pra, mund të themi se, ai i ngjan një ’’virusi’’ të lehtë epidemik të kohës moderne, me origjinë kryesisht europianoperëndimore, për momentin aktual. Gjithashtu, ky fenomen nuk është zbulim i kohëve të fundit. Mjafton të kujtojmë para disa dekadash, përplasjet politike dhe kontraditat tradicionale midis T.P.E-së (Tregu i Përbashkët Europian i 12-shes) dhe Anglisë, të Francës me Gjermaninë, apo Spanjës me Italinë etj, për të dominuar tregjet dhe për të marrë kurorën dhe skeptrin e drejtimit të Europës së Bashkuar.

Në origjinën e tij “euroskepticizmi” ka qenë vazhdimisht prezent në të gjithë etapat e zhvillimit historik të popujve të Europës. Shkaqet për këtë duhen kërkuar jo vetëm në luftëra e kriza politike–ekonomike, por dhe në fatkeqësi natyrore masive, vështirësi që kanë përfshirë vendet e saj në shekuj. Por në kohën e sotme, në kuadrin e një Europe të Bashkuar e moderne, kur regjimet totalitariste të lindjes janë shembur dhe dimensioniet e demokracisë rriten progresivisht, rreziku i “euroskepticizmit” politik, mbetet i lokalizuar në vende e raste të veçanta me efekte joshqetësuese.

Në këtë këndvështrim, mosaprovimi i Kushtetutës së Re Europiane nga disa vende të veçanta, për të qenë realist, mund të konsiderohet vetëm një stanjacion i përkohshëm. Europa ndodhet në fazën e restaurimit të demokracisë dhe të ripërtëritjes të energjive të saja progresiste. Është normale që gjatë këtij procesi të vështire të ketë edhe barriera, të cilat koha ka treguar se janë të kapërcyeshme.

Pra, nuk ja vlen të lëshojmë sirena të “euroskepticizmit”, kur vazhdimisht eurobarometri dhe çka na intereson më tepër ne dhe barometri shqiptar në çdo anketim të bërë rezulton gjithnjë me shkallë pozitive përsa i përket optimizmit. Në fakt, vetë shoqëria e sotme shqiptare postkomuniste, po tregon gjithnjë e më tepër vullnet e vendosmëri për t’u bashkuar me familjen europiane.

Nga kjo pikëpamje, deklaratat dhe vlerësimet pozitive të monitoruesve zyrtare ndërkombëtare për progresin e Shqipërisë në rrugën e reformave dhe në plotësimin e standarteve, deri tani janë një realitet i pamohueshëm. Por në asnjë rast, ato nuk duhet të merren si pronë e qeverive të rradhës, të cilat së pari janë përgjegjëse për kohën e humbur. Këtë përgjegjësi nuk duhet ta harrojnë sidomos forcat politike kryesore me koalicionet qeveritëse, pavarësisht nga pozicioni aktual, që zënë tani, pozitë apo opozitë.

Gabimet e rënda të politikës (s’është momenti për retrospektivë) mungesa e përgjegjësisë dhe profesionalizmit në drejtimin e shtetit shqiptar në këto 15 vitet e fundit, i ka shkaktuar dëme kolosale kombit (morale e materiale). Ndaj, nuk ka vend për eufori dhe entuziazëm folklorik. Në politikën shqiptare shqetësues mbetet fakti se, ajo ende vuan nga reminishenca të rregjimit monopartiak, të cilat prodhojnë regres e joprogres (konfliktualitet, mikropolitika frenuese konjukturiale, klanore, terren për stimulimin e korrupsionit dhe krimit të organizuar).

Është fakt se, të gjitha qeverisjet e deritanishme nuk kanë qenë të afta t’i luftojnë këto fenomene negative. Edhe qeveria e sotme ndodhet para një sfide të tillë tepër të rëndësishme. Të përpiqesh të sjellesh risi në politike, do të thotë tu japësh përparësi energjive të reja, jo vetëm brenda kufijve të shtetit, por edhe atyre, që përftohen në shoqëritë me të avancuara demokratike. Pikërisht për këtë ngulmojnë edhe emisarët e organizmave ndërkombëtare e sidomos ata europianë, kur japin vlerësimet e monitorimit për standartet dhe ecurinë e reformave.

Pikësëpari, ata kërkojnë që t’i hapet rruga politikës së re konsensuale, e cila ti përgjigjet sfidave më të rëndësishme të kohës. Mendojmë se në këtë këndvështrim duhen parë vlerësimet e deritanishme.Veç kësaj, të mos harrojmë se Shqipëria ka një shans plus. Ajo, jo vetëm se renditet ndër vendet me popullsi me moshë mesatare më të re, por, ka edhe një faktor tjetër të rëndësishëm të nënvlehtësuar deri tani, nga çdo qeveri shqiptare, emigracionin.

Ai kap 1/3 e numrit të përgjithshëm të popullsisë që aktualisht jeton e integruar në vendet anëtare të BE-së, Greqi, Itali, Francë, Gjermani, Angli, etj., ( ka ministri integrimi, po për emigracionin a është rezultative struktura që funksionon aktualisht?). Ky fakt, nga politikanët shqiptare deri tani, është shfrytëzuar vetëm për demagogji gjatë fushatave elektorale, si dhe për të fituar kredo politike, në opinionin mbarëshqiptar.

Ata nuk kanë ditur të fokusojnë e të shfrytëzojnë në favor të interesave kombëtare këtë potencial të konsiderueshëm. Sukseset e një numri jo të vogël të bashkëatdhetarëve tanë në fushat e shkencës, letërsisë, artit, sportit etj., në rang europian e botëror, deri tani janë përdorur vetëm si propagandë për interesat politike të çastit, (ndërkohë kur, për këto arritje ka munguar pothuaj fare ndihma dhe organizimi i shtetit shqiptar).

Mendojmë se është urgjente të ndërrojmë konceptin e politikanëve tanë për trajtimin dhe organizimin e potencialit intelektual të emigracionit. Dhe kjo të mos mbetet vetëm në kuadrin e fjalëve, por të veprohet me profesionalizëm dhe efikasitet në dobi të interesave kombëtare. Janë këta shqiptarë, që përcjellin më shpejt se çfarëdo lloj instrumenti politik, optimizmin e nevojshëm pranë familjeve në shtetin Amë se, destinacioni ynë i vetëm mbetet Europa e Bashkuar.

Leksionin më të mirë në këtë drejtim, deri tani e kanë dhënë bashkëkombasit kosovarë, të cilët me patriotizmin e tyre të spikatur, duke vënë mbi të gjitha interesin kombëtar, e kthyen në favor të tyre (atëherë kur duhej domosdoshmërisht) opinionin ndërkombëtar për të bërë realitet sot pragpavarsinë.

Këto cilësi të vyera gjenetike të kombit shqiptar, janë sfidë për çdo qeveri nëse do të dije ti shfrytëzojë për progres. Është koha kur, nuk duhet të presim që vlerat tona kombëtare ti zbulojë Europa por, me mençuri t’ja bëjmë në prezencë asaj. Me siguri që kjo rrugë do të na kompesojë kohën e humbur.

Euro mbyll vitin, në pozita më të forta se dollari dhe leku

Julian Llupo (Gazeta Shekulli)
30-12-2006

Euro ka qenë e pandryshuar ndaj dollarit dhe ka arritur të thyejë për të dytën ditë rresht, nivelin rekord kundrejt jenit të premten, dita e fundit e punës në 2006-ën. Monedha e përbashkët, është mbështetur nga pritjet për vazhdimin e rritjes të normës së interesit nga Banka Qendrore Evropiane. Edhe ndaj monedhës vendëse, lek/euro ka vazhduar që të mbiçmohet duke vazhduar të ketë të njëjtën prirje, si edhe vitet e tjera. Sidoqoftë, disa analistë kanë paralajmëruar për rrezikun e një dobësimi të monedhës evropiane në fillim të vitit të ardhshëm, pasi shumica e lajmeve pozitive për euron, e kanë dhënë efektin e tyre pozitiv në treg. Pritja për rritje të mëtejshme të normës bazë të interesit në Eurozonë, është mbështetur nga oferta monetare më e lartë seç pritej gjatë nëntorit (shifra të publikuara të premten) dhe nga komentet e anëtarit të Bordit Drejtues të Bankës Qendrore Evropiane (ECB), Yves Mersch, që tha se normat mbeteshin të ulëta në terma historikë. Në kontrast, një seri të dhënash pozitive nga tregu i banesave, besimi i konsumatorëve dhe manifakturës në SHBA, gjatë dy ditëve të kaluara, nuk ka arritur që të dëmtojë pritjet, se ngadalësimi i ekonomisë mund të detyrojë Rezervën Federale që të fillojë uljen e normave

martedì 26 dicembre 2006

Pershendetje te gjithe shqiptareve te Piemontes

Pike se pari deshiroj t'ia filloj nga shifrat: Jemi nje nga komunitetet me te medha nder emigrantet e ketij rajoni ne veri te Italise, me 33.500 persona rezidente te rregullt, me rreth 2000 biznese shqiptaresh qe punesojne shqiptare dhe italiane, me nje numer te konsiderueshem studentesh shqiptare qe frekuentojne universitetet e Piemontes (rreth 1000) dhe me nje komunitet italo shqiptaresh te mireorganizuar(ketu jeton nje komunitet i madh arberesh). Arbereshet kane qendren e tyre koordinuese per Piemonten ne Chieri ku presidenti i shoqates "Vatra Arberesh" , Vincenzo Cucci ka edhe funksione te Keshilltarit Komunal, ne kete qytet piemontez.
Por duke pare aktivitetet e shoqatave shqiptare ne Piemonte, me rastin e festave te nentorit 2006 vihet re se pjesmarrja e shqiptareve eshte akoma e ulet. Nga nje llogari e thjeshte, per te mbetur ne boten e shifrave, ne festat e ndryshme ne Torino, Asti, Cuneo, Aleksandria e Vercelli moren pjese rreth 1500 persona pra nje perqindje shume e vogel e numrit total prej 33500 vetesh . Lind pyetja: ku jane te tjeret?
Nje pergjigje e jep publicisti shqiptar ne Itali, Rando Devole qe flet per nje komunitet shqiptar te mimetizuar. Pra nje numer shume i madh bashkatdhetaresh preferojne te rrine ne hije dhe te jetojne te qenit shqiptar vetem ne rrethin e ngushte familjar. Asgje kunder, perveç faktit se kjo lloj gjendje ndikon ne nje dobesi te theksuar te komunitetit tone ne rrafshin politik, social dhe kulturor. Si mund te ndryshohet kjo gjendje? Pike se pari duke organizuar aktivitete cilesore...ne fakt shume shqiptare dalin nga izolimi dhe mbyllja ne momentin qe kane ndonje aktivitet qe i perfaqeson denjesisht. Se dyti duke krijuar lidhje te ngushta midis te gjithe shoqatave shqiptare dhe mjeteve te informacionit shqip. Fatkeqesisht shume shoqata shihen si rivale a thua se behet fjale per parti politike. Ne te vertete duhet te jete e qarte per drejtuesit e tyre se sfida e vertete e nje shoqate shqiptare ne kushtet e tanishme eshte nxjerrja nga gjumi letargjik i mases derrmuese te komunitetit shqiptar. Secili drejtues shoqate duhet ta kuptoje se sekreti i mbijeteses se nje organizate nuk eshte rivaliteti por bashkepunimi, jo lufta ndaj tjetrit por perpjekja per t'u futur ne jeten e qytetit dhe te territorit ku kryejne veprimtarine (ne kete menyre zgjidhin me sukses edhe thembren e Akilit te çdo shoqate: financimin e aktiviteteve). Keto sfida fitohen vetem duke mbeshtetur njeri tjetrin, dhe mbi te gjitha kur kete mbeshtetje e japim pa kushte ose me nje kusht te vetem, qe tjetri te punoje ndershmerisht per shqiptaret.
Me poshte po jap disa pika referimi per shoqatat shqiptare ne Piemonte:

Studentet shqiptare ne Murazzi. Nentor 2006 (Balkan Beat Video)

Publikuar 5.12.2006 ne Edicionin shqip ne web te Qytetit Torinos

Ku bëhet kjo festë? Tiranë, Durrës, Shkoder, Vlorë apo Korçë? Jo...jemi në Torino buzë lumit Po.Festa studentëve shqiptarë dhe e shoqatës “Vatra Shqiptare” këtë Nëntor iu besua dy DJ të talentuar shqiptarë NIO dhe RINO (në Pier 7-9-11 tek Murazzi).
Ata krijuan atmosfera të magjishme me muzikën që degjohet ne te gjitha diskotekat shqiptare në këtë moment. Tek dera buttafuori shqiptar na shoqëron në brendësi të ambientit. Tingujt e muzikës popullore shqiptare i linin vendin këngëve më të reja shqiptare dhe korit të të rinjve që këndonin në grup, nën ftesën e DJ shqiptar.
Mes personave që kercenin nën tingujt e njohur, kamera jonë gjeti edhe Erjon Tolën, skiatorin që përfaqësoi Shqipërinë në Olimpiadën 2006 të Torinos (banon bashkë me familjen në Valle d’Aosta rreth 80 km në veri të Torinos). Kushedi se çfarë mendon traineri i tij po ta dijë se kercen tërë natën…vetëm po u ngushëllua nga fakti se ambiente të tilla “sajohen” shumë rrallë këtu në Torino. (ndiq videon tone duke klikuar ketu)
Kercimi dhe muzika vazhduan deri të nesërmen, herët në mëngjes (29 nentor), kur shiheshin akoma grupe studentësh shqiptarë nëpër rrugët e qytetit që ktheheshin në shtëpi me jehonën e muzikës shqiptare akoma në memorie.

Permesso di Soggiorno per qendrim ne Itali rinovohet ne posta

Marre nga Edicioni shqip: www.comune.torino.it/sq

Procedura e re e rinovimit te lejeqendrimit prane Zyrave Postale

Kush duhet te beje kerkese ne Posta?
Duhet bere kerkesa ne zyren e postes per kerkimin dhe rinovimin e lejeqendrimeve te meposhtme (disa sigla po i leme ne gjuhen italiane per ti ardhur ne ndihme identifikimit te shpejte te tipit te lejeqendrimit) :adozione - affidamento - attesa riacquisto cittadinanza - famiglia (edhe per minoret nga 14 deri ne 18 vjeç) - lavoro autonomo - lavoro subordinato - lavoro stagionale - lavoro previsto dall’articolo 27 - missione - motivi religiosi - residenza elettiva - ricerca scientifica - studio - tirocinio/formazione professionale - turismo - rinovimi i lejeqendrimit per apolidia dhe asilo - dhenia dhe rinovimi i kartes se qendrimit per qytetaret jashte Bashkimit Europian - trasformimi i lejeqendrimit - ndryshimi i te dhenave personale ose i pashaportes, ose futja e femijve ne lejeqendrime dhe karta qendrimi

Menyra e plotesimit te kerkeses:
Se pari prane postave terhiqen dy lloje kit-esh: ata me nje fashe blu jane per qytetaret e Komunitetit Europian ndersa ata me fashe te verdhe jane ata per qytetaret e huaj jokomunitar.Ne momentin e dorezimit i huaji perveç kerkeses duhet te paraqese dokumentet e meposhtme:- dokument identiteti (i vlefshem) qe mundeson identifikimin nga ana e operatoreve te personit qe ben kerkesen- fotocopje ne format A4 te ketij dokumenti- fotokopje ne format A4 te te gjithe dokumentacionit identifikues te nevojshemKerkuesit jokomunitar duhet te prezantojne edhe kopje te kuponit te pageses prej 27,50 Euro per lejeqendrimin elektronik dhe pasi dorezohen dokumentet e pershkruara me siper Posta jep nje kupon (mod.22°) qe permban user ID si dhe paswordet e nevojshme per kontrollin e gjendjes se praktikes.
Po ne Kuesture kush do shkoje akoma?
Prezantimi ne kuesture behet per praktikat e meposhtme:kerkim azili politik - azil politik (lejeqendrimi per here te pare) - apolidi (per here te pare) - motive humanitare - cure mediche - gara sportive - giustizia - integrazione del minore - invito -minor età
Kush mund te zgjedhe midis postes dhe kuestures
Qytetaret komunitar qe kerkojne karten e qendrimit dhe te gjithe familjaret e tyre mund te zgjedhin nese do e bejne kerkesen ne Poste (duke paguar 30 euro) ose te vazhdojne te perdorin proceduren e meparshme dhe ta dorezojne ne Kuesture. Nga Janari edhe qytetaret romene dhe bullgare do te kene kete mundesi te dyfishte prezantimi. Edhe qytetari jo komunitar qe kerkon lejeqendrimin ne baze te lidhjes familjare me nje qytetar italian ndjek kete rregull, pasi konsiderohet ’’familjar i nje qytetari te Bashkimit Europian’’.
Roli i Zyres se Emigracionit te Kuestures
Kuestura hyn ne kete procedure nga momenti qe nga Posta i dergohen modulet. Me pare kontrollohet qe i gjithe dokumentacioni te jete komplet. Nese mungojne dokumente Kuestura mund te kerkoje integrimin e tyre.Me pas duke lajmeruar me nje rakomandate qytetarin emigrant, ku i lajmeron diten dhe oren e paraqitjes ne Kuesture per takimin e pare i kerkon qe :
· te dorezoje 4 fotografi dokumenti
· te marri gjurmet e gishterinjve
· te marri ne ate takim daten e prezantimit per takimin e dyte ku do i jepet ose refuzohet lejeqendrimi/karta e qendrimit.
Informacionet
Per ata qe perdorin internetin eshte siti web http://www.portaleimmigrazione.it/ ku mund te shohin listen e patronateve (te cilet mund te ndihmojne si plotesimin e modulit ashtu e dhe stampimin e tij) dhe listen e Zyrave Postale te autorizuara. Ndersa per ata qe nuk kane shume familjaritet me internetin mund te telefonojne falas ne keto numra(shenoni keta numra ne rubriken tuaj telefonike):
per informacion mbi patronatet 800.309.309 .Pas telefonates arrin ne cellular nje sms me patronatin ose komunen me te afert qe mund t’iu ndihmoje per praktiken. Per te aktivizuar kete sherbim duhen dixhituar numri i celularit dhe kodi postal i zones ku ndodheni (kerkesat per rinovim mund te dergohen nga çdo poste e Italise)
Postat italiane vene ne dispozicion nje tjeter numer falas 803.160 (nga e hene ne te premte 8.00-20.00). Ne kete numer mund te merrni informacion mbi zyrat postale te autorizuara me te aferta (per pranimin e dokumentave).
Sa module duhen plotesuar dhe dorezuar?
Zarfi per qytetaret jokomunitar permban dy module. PLotesimi i te parit eshte i detyrueshem per te gjithe ndersa i te dytit vetem nga kush ka nje te ardhur (i dyti behet i detyrueshem per ata qe kerkojne lejeqendrim per pune)
Kush kerkon lejeqendrimin ose karten e qendrimit edhe per familjaret ne ngarkim, duhet te dergoje nje zarf dhe nje model per secilin prej tyre (perveç rasteve kur femijet jane nen 14 vjeç)
Ndersa qytetaret Europiane qe kerkojne karten e qendrimit edhe per familjaret, mund te dergojne te gjitha praktikat ne te njejtin zarf qe permban ne brendesi nje model per çdo komponent te familjes (pra paguan vetem nje here shifren prej 30 Eurosh)
Ne momentin e dorezimit ne sportelin postar zarfi duhet lene i hapur, ne menyre qe nenpunesja e postes te kontrolloje dokumentet dhe modulet e dorezuara.
Ne kete lloj sistemi behet e rendesishme adresa ku mund te kontaktohet qytetari i huaj qe ben kerkesen. Ne rast se per ndonje arsye ai nuk paraqitet ne takim pasi merr rakomandaten e pare i arrin nje thirrje e dyte. Per te qene te sigurte per marrjen e ketij lajmerimi eshte e keshillueshme te jepet nje adrese ku te mund ta merrni edhe ne rast se nuk eshte adresa e juaj.
Si te marrim vesh ne çfare faze ndodhet praktika?
Mund te kontrollohet on line faza ne te cilen gjendet praktika e lejeqendrimit; mjafton te lidheni ne internet ne adresen http://www.portaleimmigrazione.it/, te hyni ne zonen e rezervuar dhe te dixhitoni perdoruesin (U) dhe paswordin (P) qe gjenden te shkruajtur ne kuponin postal (ricevuta dell’assicurata postale). Ne kete menyre mund te verifikohet nese praktika ndodhet akoma ne poste apo ne kuesture, nese duhen integruar akoma dokumente te tjera apo eshte e perfunduar (gjeni kodin )
Ndersa ata te cilet nuk kane internet mund te therrasin nga nje telefon fiks numrin e Postes 848.855.888(aktiv nga e hena ne te premte ngaora 8.00 ne oren 20); ne kete rast aplikohet tariffa urbane e operatorit telefonik. Sidoqofte, ne te dy rastet, per te marre vesh nese praktika eshte pranuar ose eshte hedhur poshte duhet shkuar personalisht ne Kuesturen perkatese (Zyren e Emigracionit)
Sa kushtojne praktikat e rinovimit tani?
Qytetaret jo komunitar (vetem ata) duhet te vendosin nje pulle postale (marca da bollo) Euro 14.62
30 Euro duhen paguar ne momentino e dergimit te “assicurata postale”. Po keshtu, qytetaret e huaj qe kerkojne nje permesso qe ka kohezgjatje me te madhe se 90 dite duhet te paguaje nje boletin shtese te gatshem te prestampuar ( prej 27.50 Euro me intesim te Ministrise se Financave dhe mbulon koston e lejeqendrimit elektronik) per çdo rinovim.
‘’Lejeqendrimi elektronik” eshte nje tesere magnetite e ngjashme me karten e redititi, me nje mikroship dhe nje bande me memorie optike qe permban te dhenat anagrafike, fotografine dhe gjurmet e gishterinjve te titullarit ne forme dixhitale.
Ricevuta postale se bashku me lejeqendrimin origjinal (qe i mbetet ne dore te huajit) vlen si ricevuta e meparshme rinovimit (il cedolino) dhe vlen sipas qarkoreve dhe ligjeve te fundit njesoj si lejeqendrimi ne origjinal (per te ikur ne vendin e origjines, per te ndryshuar punen, rezidencen, per te marre patenten, per te bere nje kontrate qeraje etj).
.